प्रजातान्त्रिक विचार समाज गठन
धनगढी, २९ असोज । प्रजातान्त्रिक विचारधारा बोक्ने प्राध्यापक, नागरिक समाज र पत्रकारहरुको भेलाले आइतबार प्रजातान्त्रिक विचार समाज कैलाली तदर्थ समिति गठन गरेको छ ।
कैलाली बहुमुखी क्याम्पसका सहप्रध्यापक जगन्नाथ जोशीको सभापतित्व, प्रदेश सभा सदस्य डिल्लीराज पन्तको प्रमुख आतिथ्य, नेपाली काँग्रेस कैलालीका सचिव पुर्ण कुँवर र कैलाली बहुमुखी क्याम्पसका पूर्वप्रमुख सुरेन्द्र चन्दको विशिष्ट आतिथ्यमा भएको भेलाले १५ सदस्यीय तदर्थ कार्यसमिति चयन गरेको हो ।
प्रजातान्त्रिक विचार समाजको अध्यक्षमा बेदप्रशाद जोशी, उपाध्यक्षमा दिनेशराज जोशी, सचिवमा ओमप्रकाश पाण्डेय, सहसचिवमा कृष्णबहादुर बोहरा, कोषाध्यक्षमा मेघा भट्ट चयन भएका छन् । यसैगरी सदस्यहरुमा दाताराम जोशी, हरिशंकर जोशी, टोपराज ढुंगाना, तेजबहादुर सिंह, उमाकान्त जोशी, सुर्यप्रकाश जोशी, सुरत रावत, हरिप्रसाद उपाध्याय, टेकेन्द्र देउवा र ईश्वर जोशी रहेका छन् ।
यसैगरी भेलाले ७ सदस्यीय सल्लाहकार समितिसमेत गठन गरेको छ । सल्लाहकार समितिको संयोजकमा सुरेन्द्र चन्द रहेका छन् । समितिको सदस्यहरुमा पदमसिंह कुँवर, लक्ष्मणदत्त भट्ट, डा. टिएन जोशी, प्रेमराज भण्डारी र डा. गणेशबहादुर सिंह रहेका छन् ।
तपाईको प्रतिक्रिया