भाडामा एकरुपता नहुँदा यात्रुहरु ठगिदै
बझाङ, ३० कात्तिक ।
छोटो दुरीका लागि जिल्लाभित्र चल्ने जिपमा यातायात भाडा दर नहुँदा यात्रुहरुबाट गाडी चालकले दोब्बर भाडा लिने गरेका छन् ।
दुई नगरपालिका र १० गाउँपालिका रहेको बझाङ जिल्लामा तिहार मनाएर घरमा गएका कर्मचारी, विद्यार्थी र रोजगारीको लागि विदेशिएका यति बेला गाउँघरमा आएका छन् । विदेशमै बस्दै आएका भए पनि नागरिकता नबनाएकाहरु नगरकिता बनाउनको लागि सदुरमकाम चैनपुर आउनेको सिमखेतको जिप पार्कमा दिनहुँ सयौँ जनाको भीड लाग्ने गरेको छ ।
२०७३ भदौ १६ गते जिल्ला प्रशासन कार्यलयमा सार्वजनिक यातायाततर्फ भाडा दर रुट ईजाजत सम्बन्धमा बसेको बैठेकले कच्ची सड्कमा एक किमि १० रुपैया र पक्की सडकमा ५ रुपैया तोकेको भए पनि अहिले भने गाडी चालकले मनोमानी भाडा लिने गरका छन् ।
यसैबीच जिल्ला प्रशासनमा कार्यालय बझाङमा नागरिकता र विदेशको लागि पासपोर्ट बनाउने भीड लाग्ने गरेको छ । दसैँ र तिहारको मौकापारी घर आएका र नागरिकता नबनाएको हुँदा जिल्लाको विभिन्न ठाउँबाट नागरिकता र पासपोर्ट बनाउन आउनेको प्रसासनमा घुँईचो लाग्ने गरेको छ ।
तपाईको प्रतिक्रिया