कञ्चनपुरमा चन्दको हत्या गर्ने भण्डारी पक्राउ

धनगढी, ३ बैशाख
कञ्चनपुरको बेलौरी नगरपालिका–६ विद्यानगरका लक्षी चन्दको हत्या गर्ने ३५ वर्षीय महेश भण्डारी पक्राउ परेका छन् ।

ईलाका प्रहरी कार्यालय बेलौरीका ईन्चार्ज प्रहरी निरिक्षक गौरी प्रसाद जैशीले बेलौरी–६ दुम्लीमा ट्याक्टरको ट्रलीमा भुसा भित्र सुतेको अवस्थामा भण्डारीलाई आज बिहान चार बजे पक्राउ गरेको बताए ।

सामान्य बिबादका क्रममा भण्डारीले महाकाली माविका अवकाश प्राप्त शिक्षक शिक्षक चन्द चन्दको बुधवार राति करीव ८ बजे हत्या गरेको प्रहरीले जनाएको छ । भण्डारीको ढुंगा प्रहारबाट मुख र टाउकोमा चोट लागेर गम्भीर घाईते भएका चन्दलाई तत्काल उपचारका लागि बेलौरी प्राथमिक स्वास्थ्य केन्द्रमा लगिएको थियो ।

त्यहाँ उपचार संभव नभएपछि चन्दलाई धनगढीस्थित निसर्ग अस्पताल ल्याईएको थियो । तर निसर्ग पुर्याउन अघि नै चन्दको मृत्यु भईसकेको थियो ।

चन्दको मृत्युपछि फरार भएका भण्डारीको खोजीका लागि धनगढीबाट ल्याईएको कुकुर सहितको बेलौरी प्रहरीको टोलीले आज बिहान भुसाभित्र लुकेको अवस्थामा पक्राउ गरेको हो ।