अछाममा कैदीबन्दी र सुरक्षाकर्मीबीच झडप

अछाम : जिल्ला कारागार अछामको अवस्था तनावग्रस्त बनेको छ। 

कैदीबन्दीले तोडफोड र आगजनी सुरु गरेपछि सुरक्षाकर्मीसँग झडप भइरहेको छ।

अछामका प्रमुख जिल्ला अधिकारी आनन्द सारुका अनुसार आगजनी र तोडफोड गरेर कैदीबन्दी भाग्न खोजेपछि अवस्था तनावग्रस्त बनेको हो।

कारागारमा अहिले सेना परिचालन गरिएको सारुले बताए। कैदीबन्दीका आफन्तहरु कारागार परिसरमा पुगेर नाराबाजी गरिरहेका छन्।