बुढीगण्डकी बाढी प्रभावित ६ जनाको हवाई उद्धार भयो : प्रधानमन्त्री शाह

काठमाडौं । गोरखाको बुढीगण्डकी नदीमा आएको बाढीमा परेका ६ जनाको हवाई उद्धार भएको छ ।

प्रधानमन्त्री वालेन्द्र शाहका अनुसार नेपाली सेनाले पहिरोको जोखिममा रहेको जगत इलाकाबाट ६ जनाको हवाई उद्धार गरेको हो ।

प्रधानमन्त्री शाहले बाढी प्रभावित क्षेत्रमा उद्धार, राहत र सुरक्षित स्थानान्तरणका लागि हेलिकप्टर परिचालन गरिएको बताएका छन् ।