डाक्टरहरूको आन्दोलनले बिरामी मारमा, देशभर आकस्मिक बाहेकका सेवा बन्द

काठमाडौं- नेपाल चिकित्सक संघको आह्वानमा आज देशभरका अस्पताल तथा स्वास्थ्य संस्थामा आकस्मिकबाहेकका सम्पूर्ण सेवा बन्द भएको छ ।

उपभोक्ता अदालतले उपचारमा लापरबाही गर्ने चिकित्सक र अस्पतालहरूलाई धमाधम क्षतिपूर्ति तिराउन थालेपछि नेपाल चिकित्सक संघको आह्वानमा आकस्मिकबाहेकका सम्पूर्ण सेवा बन्द गरिएको हो । 

चिकित्सकले सेवा बहिष्कार गर्दा बिरामी मर्कामा परेका छन् । यो आन्दोलनमा नौवटा स्वास्थ्य संस्थाले ऐक्यवद्धता जनाएका छन् । 

ती संघसंस्थाहरुले गत शुक्रबारदेखि नै जिल्ला प्रशासनलाई ज्ञापनपत्र बुझाउनेदेखि विभिन्न सांकेतिक आन्दोलनका कामहरु भइरहेका छन् ।