एक महिनामै भित्रियो डेढ खर्ब रेमिट्यान्स

काठमाडौं । एक महिनामै डेढ खर्बभन्दा बढी रेमिट्यान्स नेपाल भित्रिएको छ । ०८२ जेठ महिनाको रेमिट्यान्स आप्रवाह एक खर्ब ७६ अर्ब ३२ करोड छ । अघिल्लो वर्ष जेठमा यस्तो आप्रवाह एक खर्ब २८ अर्ब ९१ करोड रहेको नेपाल राष्ट्र बैंकले जनाएको छ ।

पछिल्लो तथ्यांकअनुसार, चालु आर्थिक वर्ष ०८१/८२ को ११ महिनामा रेमिट्यान्स आप्रवाह १५.५ प्रतिशतले बढेर १५ खर्ब ३२ अर्ब ९३ करोड पुगेको छ । अघिल्लो वर्षको सोही अवधिमा विप्रेषण आप्रवाह १७.२ प्रतिशतले बढेको थियो ।

जेठसम्म अमेरिकी डलरमा रेमिट्यान्स आप्रवाह १२.७ प्रतिशतले बढेर ११ अर्ब २५ करोड पुगेको छ । अघिल्लो वर्ष यस्तो आप्रवाह १५.२ प्रतिशतले बढेको थियो ।