एनआरएनए नेदरल्याण्ड्सको अध्यक्षमा पोखरेल र आईसीसी सदस्यमा सापकोटा निर्वाचित

नेदरल्याण्ड्स, ८ साउन ।

गैर आवासीय नेपाली संघ राष्ट्रिय समन्वय परिषद नेदरल्याण्ड्सको ११ औं राष्ट्रिय अधिवेशनले विष्णु पोखरेलको नेतृत्वमा नयाँ कार्य समिति चयन भएको छ । अधिवेशनबाट आईसिसी सदस्यमा सिता सापकोटा चयन भएकी छन । 

बुधवार सम्पन्न अधिवेशनबाट वरिष्ठ उपाध्यक्षमा पेमा लामा, उपाध्यक्षमा थमन बहादुर कार्की, प्रेम पुन, महिला उपाध्यक्षमा इन्द्र कुमारी सापकोटा, युवा उपाध्यक्षमा अनिल कार्की, महासचिबमा दिनेश अर्याल, सचिवमा पुण्य प्रसाद वस्ती (प्रनिल), कोषाध्यक्षमा संदीप बिश्वकर्मा, युवा संयोजकमा आशिष उपाध्याय, महिला संयोजकमा कुमारी पौडेल थापा निर्वाचित भइन् । त्यस्तै सदस्यमा डम्बर कुमार कोइराला, निरज गुरुङ, सुरेन्द्र पराजुली निर्वाचित भए  । 

निर्वाचन समितिका संयोजक नारायण आचार्यले विशेष स्थानका लागि नयाँ समितिको सदस्यमा अमिर गुरुङलाई मनोनीत गरिएको र अन्य रिक्त विभिन्न पदमा नयाँ कार्यसमितिले सदस्य मनोनीत गर्ने बताए । 

गैर आवासीय नेपाली संघ अन्तराष्ट्रिय समन्वय समितिका यूरोप उप संयोजक मीम पुर्जाको प्रमुख आतिथ्यतामा सम्पन्न अधिवेशनमा  संस्थापक अध्यक्ष शशिकान्त पौडेल, प्रमुख संरक्षक नारायण आचार्य, इनास ग्लोबलका संस्थापक अध्यक्ष पुष्प बरुवाल विशेष अतिथि रहेका थिए । 

अधिवेशनमा  एनआरएनए नेदरल्याण्ड्सका पूर्व अध्यक्ष ठाकुर प्रसाद शर्मा (मनोहरी), जनसम्पर्क समिति नेदरल्याण्ड्सका अध्यक्ष सालिक गौतम,  पत्रकार महासंघ यूरोप शाखाका उपाध्यक्ष द्रोण रिजाल लगायतको उपस्थिति रहेको थियो ।

एनआरएनए नेदरल्याण्ड्सका अध्यक्ष थानेश्वर कडेंलको अध्यक्षतामा सम्पन्न ११ औं अधिवेशनमा बिधान संसोधन समितिका संयोजक सालिक गौतमले संसोधित प्रतिवेदन पेश गरेका थिए । संघकी पूर्व महासचिव तथा उपाध्यक्ष सिता कुमारी थापाले संघको प्रगति प्रतिवेदन र महिला संयोजक सरोजा ढकाल गिरीले प्रगती प्रतिवेदन र कोषाध्यक्ष कमाल रसाइलीले आर्थिक प्रतिवेदन पेस गरेका थिए ।