महाकाली नदीकोबिचमा फसेका पुरुषको सकुशल उद्धार

दार्चुला । दार्चुलाको महाकाली नगरपालिका वडा नम्बर ४ खलङ्गास्थित महाकाली नदीकोबिचमा फसेका पुरुषको सशस्त्र प्रहरीले सकुशल उद्धार गरेको छ ।

बाँकेको समशेरगञ्ज अमेलिया बस्ने  ३५ वर्षीय बिक्रम के.सी. बिहीबार नदीकोबिच भागमा फसेका थिए । 

सो बारे जानकारी पाउनासाथ सशस्त्र प्रहरी बल नेपाल नम्बर ४४ गण दार्चुलाबाट सशस्त्र प्रहरी उपरीक्षक देवारज जोशीको कमाण्डमा खटिएको विपद् व्यवस्थापन तालिम प्राप्त सुरक्षा फौजले सकुशल उद्धार गरेको हो ।

उद्धार गरिएका उनको मानसिक सन्तुलन ठिक नभएको बताइएको छ ।